Nederlandse versie

Traha bo mes kòmpòst

Kon traha algu bon ku shushi di kurá i sobrá di den kushina? Traha kòmpòst

Kòmpòst ta tera pretu pa mata. Pone sobrá di berdura i fruta i shushi di kurá den un barí bestianan chikí i bichi ta komberti esaki den kòmpòst, meskos ku nan ta hasi den naturalesa. Kòmpòst den kurá ta gòrda tera pasobra e ta kontene mineral Kòmpòst ta obsorbe awa. Kòmpòst den bo kurá ta tene tera humedo.

Ademas: si nos traha kòmòst nos tin menos shushi pa manda landfill ku Selikor. P’esei traha kòmpòst i yena bo hardin ku mata i flor bunita.

Asina’ki ta traha kòmpòst

· Mester di un barí grandi di plèstik ku su tapadera.

· Pone un bor grandi den bormashin i traha 10 buraku den bòm di e barí.

· Bora 10 buraku den e tapa i tambe na kurpa di e barí.

· Poné na un lugá kayente pero no den solo.

· Sòru pa e barí ta pará den tera.

· Pone poko blachi di kurá den e bòm.

· Yené tur dia ku sobrá i kaska di fruta i bèrdura, de bes en kuando por pone shushi di kurá aserka.

· Tambe kaska di webu, saku di te, filter i kachikachi di kòfi por bai aden.

· No pone ni kuminda kushiná ni kaska di batata aden.  

· Demasiado kaska di apelsina (15) tur dia ta hasi e kòmpòst zur. Pero por pone un poko kaska di apelsina adén libremente.

· Kòmpòst mester di humedat i airu, sprengu’e ku awa ora e bira muchu seku. Habri e tapa si e ta muchu muhá, bolt’e de bes en kuando.

· Ta bestianan chikí ta traha e kompostn i nan mester di humedat i airu.

· Despues di tres luna e kòmpòst den bòm di e barí ta klá.

· Bashé ront di palu òf usé den pòchi pa planta mata.