Curaçao Nature Conservation  &  Amigu di Tera

Komunikado di prensa dia 8 di yüni 2009

 

Lei pa protehá mangrove

 

Nashonnan Uní a deklará dia 8 di yüni komo Dia Internashonal di Oséano ku e lema “Un Oséano, Un Klima, Un Futuro’, esaki pa enfatisá ku nos sobrebibensia ta dependé di laman ku na su turno ta regulá klima.. Oséano salú ta apsorbá gran kantidat di e gas CO2 ku ta responsabel pa kambio di klima. Lamán ta duna nos kuminda i hopi ta esnan ku ta traha den sektor marítimo. Mas salú lamánan ta, mas nos por disfrutá di dje.

 

Lástimamente lamanan ta den mal estado di salú. Nos tin ku realisá esei, i nos mester traha plan pa bòltu e situashon desfaborabel aki.

Curaçao Nature Conservation i Amigu di Tera ta kontribuí na un laman salú i ta boga pa protekshon efektivo di nos Palu di Mangel o mangrove. Aktualmente ta kap nan, shusha i choka nan, sin konosementu di nan gran interes pa kalidat di laman. Ku awaseru tera i tur sorto di porkeria ta laba bai laman. Den area kaminda ku tin palu di mangel ta filtra e awa i asina ta kontribuí na un laman limpi. Diferente organismo di laman ta kumisá nan bida den e kuna di areanan di Pal’i Mangel, entre otro diferente tipo di piská ku despues di tempu ora nan a krese ta muda bai biba riba refnan di koral. Nan kuminda ta e lima ku ta krese riba koral. Lima i bestianan den en kasnan di koral ta biba huntu pero muchu lima ta mata e koral. Asina e piskanan aki ta kuida koral kontra un abundansia di lima.  E kasnan di koral ta trahá ku CO2 ku laman ta tuma for di airu.

 

Pal’i Mangel semper ta bèrdè i henter aña ta karga un gran kantidat di blachi, apsorbando CO2.  Asina palunan di Mangel ta duna nan kontribushon na un situashon mas stabíl di klima.  

 

Palu di Mangel tin balor pa klima, laman, ref di koral i piská. Den nos klima seku nan semper ta keda bèrdè sin ku tin nodi di mua nan. Nan ta forma realmente parke kaminda para i diferente otro bestia ta haña un kas. Nan ta protehá kosta di nos isla chikí kontra olanan di laman.

 

P’esei nos ke hasi un peitishon na gobièrnu pa protekshon legal di Palunan di Mangel.

P’esei nos ke mira un plan pa replantá Palu di Mangel

 

 

Sostoné e petishon aki, bishita www.petitiononline.com/curacao  i pone bo nòmber bou di e petishon.

 

Francis O’Connor

Curaçao Nature Conservation   Tel. 518 0801

 

Yvette Raveneau

Amigu di Tera                            Tel. 737 3965