Amigu di Tera  komunikado di prensa dia 26 di yuli 2006

 

 

BMA no tin nada di haber ku piskadó !

 

 

Den  statuto i meta di BMA no tin nada pa piskadó.

BMA su tarea ta solamente pa manehá playa pa turista. Ku e trabou akí nan mester gana plaka. Mas ‘kama’, mas ‘bungalow’ i mas ‘parasol’ nan hur riba playa, mas plaka nan por gana. Poko poko ta yega e momentu ku playa ta yena ku e aktividatnan akí ku ta rende plaka. Lástimamente lo no sobra muchu lugá mas pa esnan ku mester di espasio pa nan trabou, manera piskadónan, pasobra nan no ta paga pa e espasio ku nan ta uza. Poko poko lo no tin lugá mas pa e hendenan ku no ta kumpra na snčk, ku no ta hur stul ni bungalow ni parasol. Entrada ta gratis (ainda), pero tur otro kos na playa lo kosta plaka. No tin ningun lei ku ta garantisá ku públiko tin e derechi pa subi playa ku nan mes kos di bebe i nan mes kos di kome, nan mes stul i ku nan tin derechi pa sinta den freskura di parasňl. Den un ambiente asina di mes ta pusha nos hendenan ku no por paga un banda. Hendenan lokal ku si por paga i ta dispuesto pa paga, por gosa di e idea ku nan sí tin moda. Poko poko ta eksluí e otro hendenan. Asina, poko poko ta trese mas i mas desigualdat den un pais ku ta yama su mes Kristian o Sosial.

 

Den direktiva di BMA a krea lugá pa solamente un piskadó. E ta forma un minoria den un direktiva di shete persona. Ora ku e persona akí ke defendé interesnan di piskadó, e otro miembronan di direktiva lo bisé ku no ta tarea di BMA pa atendé interesnan di piskadó. Nan lo mustré e statutonan di BMA ku ta destiná solamente pa turismo, i no pa piskadó.  Pa kolmo ta Bestuurscollege ta nombra miembronan di direktiva di BMA. Si nan no gusta e miembro den direktiva pasobra e tin interes di piskadó muchu na pecho, nan por kité pone un otro ku sí ta hasi loke BMA mester hasi, esta defendé primeramente interes di turismo.

 

E programmadossier ta splika klaramente for di e promé página ku BMA tei pa traha pa turismo. Despues, aki i aya tin skibí ku lo trata piskadó i públiko di un manera nčchi, pero esei no kier men nada, nan no tin derechi. E kuerpo ku mester hasi e trabou, esta BMA, su tarea ta únikamente pa promové turismo. Ta esaki tin poné riba papel, anto t’asina Konseho Insular a disidí. Punto.

 

 

Presidente di Amigu di Tera

Yvette Raveneau

Tel. 7373965