Amigu di Tera i Defensa Ambiental

Komunikado di prensa., 1 Yüni 2009

 

Konstruí kas pa ken?

 

Ta pa ken Fundashon Kas Popular (FKP) mester traha kas. Segun FKP mes ta pa esnan den komunidat ku no tin masha entrada. En realidat e Fundashon di Gobičrnu akí a tira su responsabilidat masha leu for di su kurpa i a skohe pa traha kas pa esnan ku entrada mediano.

Tur hende ta konsiderá FKP komo e instansia ku ta traha kas pa esnan menos pudiente, manera nan nňmber mes ta bisa, nan tei pa traha kas di pueblo. Si t’asina ku nan ke desviá for di e meta aki ku ta nifika un kambio radikal den nan kurso,  por lo menos mester tene un diskushon den komunidat promé ku esaki por sosodé. Pero di BC nos no ta tende nada  i ta parse ku Eilandsraad tampoko no ta prekupá ku e kestion  fundamental aki.

FKP, komo fundashon di gobičrnu ku un tarea komunal hopi kla, a skohe pa bira un  desaroyadó partikulir, numa ku e partikularidat ku semper e por konta ku sosten di gobičrnu ora kos bai malu. E Fundashon a hasi trámite pa take over un proyekto partikulir na Koral Tabak ku a keda pegá, despues mes kos ku e proyekto na Fontein, i awor e ta trahando kas na Seru Grandi. Kada bes proyektonan pa benta na klientenan ku entrada mediano. Lunanan largu FKP a pasa loader di destrukshon den e area di naturalesa di Wechi ku bendishon di BC, aki atrobe ku meta pa traha kas pa entredanan medio. E manera ku e loader a pasa riba Wechi bai ku tur restu kultural historiko outéntiko di kas di hendenan humilde ku tabata biba einan un tempu ta demostrá manera di pensa di FKP. No tin nodi di papia mes di nan manera di trata naturalesa, esaki ta bisto pa tur hende: bárbaro.

 

Ku triki di Nanzi e Fundashon di Gobičrnu ta purba huí pa su responsabilidat sosial i bai den business puro. Segun su pensamentu e por saka ganashi for di konstrukshon i benta di kas pa entradanan mediano, ganashi ku e por hinka den kas pa esnan ku menos entrada.   No tin sen pa traha kas di pueblo, pero ta di unda anto e tin pensá pa hańa sen pa bibienda ku ta hopi mas karu? Si wak e area di Wechi ku ta un area pa fangu awa, un bon infrastruktura ku roi i kloaka so kaba ta kosta un kapital, hasiendo e bibiendanan masha karu.

Atrobe nos ta bai traha debe, talbes sperando ku San Nikolas ta bolbe yuda?

Silensiosamente FKP ta privatisá un tarea di gobičrnu. Politikonan no ta mira nada  i pueblo no tin nada di bisa, pero e mester paga si pa konsekuensha di  kambionan fundamental den funkshonamentu di komunidat.

Mientrastantu 104 bario atrobe tin ku warda algun desenia mas riba kambionan fundamental den nan situashon sosial i fisiko di bibienda .

 

Yvette Raveneau    Lloyd Narain

Amigu di Tera        Defensa Ambiental

 

 tel 737 3965