Amigu di Tera           komunikado di prensa 29 di mart 2010

 

Ban spar energia na grandi

 

Si kada un di nos logra spar 20% di energia e ańa aki, outoridatnan ta hańanan obligá pa kambia maneho di energia.

 

Siudadanonan lo ripará ku nan por spar hopi sčn si nan uza energia na un manera responsabel. Meskos ta konta pa nos awa industrial ku ta kosta masha energia pa produsí.

Ta probá ku fásilmente kasnan di famia por spar 20 te 30 porsiento di nan uzo di energia i awa. Menos uzo di energia i awa ta baha produkshon di Aqualectra i ta hasi invershonnan grandi pa yega na mas kapasidat innesesario. Pareu ku esei gobičrnu por kuminsá traha na un otro sistema pa generá i distribuí energia i awa.

 

Un ańa pasá e Diálogo di Energia, entamá pa gobičrnu mes, a generá diferente proposishon pa start ku un maneho nobo di energia. Bestuurscollege a risibí e ideanan aki ku entusiasmo, i a keda di traha riba e maneho nobo aki. Hasta ela sugerí pa kuminsá  ku un programa pa spar energia den ofisinanan di gobičrnu. Di maneho nobo di energia te awe nada, ni tampoko di e programa pa spar energia den  ofisinanan di gobičrnu.

A keda na siudadano, komersio i indústria pa ekonomisá energia i awa i asina fňrsa gobičnu pa yega na un maneho di energia.

 

Durante e Diálogo di Energia e gran mayoria di partisipante a rekonosé ku sparmentu di energia ta e promé paso pa yega na un maneho di energia nobo, pasobra no tin sentido hasi fiansanan grandi i invertí den mas energia pa sigi malgastá i desperdisiá energia i awa.

 

Meskos ta konta si nos drenta kaminda di energia energia di bientu, solo, olanan di lamán i otro formanan di energia alternativa.  Pa saka bentaha máksimo di e formanan di energia renobabel akí, nos mester stňp konsumo iresponsabel. Pa mayoria eksperto, i tambe pa mas i mas siudadano esaki ta mas kla ku di dia. I ta di lamentá ku gobičrnu si no ta dal niun stap den direkshon di un maneho pa minimalisá uzo di energia i awa i ku Aqualectra ta sigi planeá pa oumentá produkshon di energia, kontanto riba un komunidat ku ta sigui malgastá energia i awa.

 

Dikon uza menos energia? Menos energia nos uza, menos kombustibel nos tin ku importá, menos nos komunidat tin ku aportá finansieramente i menos dependiente nos lo ta di eksterior.

Preisnan di petroli ta sigi subi den futuro i si nan baha mes ta pa un tempu kňrtiku. Esaki ta krea un ekonomia instabil i ta trese inseguridat den komunidat. E paisnan industrial tradishonal i e mega-ekonomianan nobo manera China, India i Brasíl den futuro lo guli reservanan mundial di petroli rápidamente. Nos islanan chikí ta  proménan ku ta bai sufri di skarsedat i preisnan impagabel di petroli.

 

No tin manera di hasi; nos mester drenta e rumbo di bira mas independiente posibel di petroli. A pesar di spar energia di un manera drástiko mester pasa pa uzo di energia limpi i renovabel na gran eskala

Apesar di esaki uzo di petroli, gas i karbonstein ta generá  CO2 ku ta keinta atmósfera i ta kambia klima di nos planeta. Esaki ta enfatisá e urgensia pa spar energia,  i skohe pa fuentenan di energia limpi i renobabel.

 

Tur komunidat ta realisando ku mester kambia pa un sisitema di energia nobo i efisiente. Lástimamente mayoria gobičrnu ta hopi liá ku interesnan di kompanianan di petroli ku ta strobanan di bai laga e sistema di energia antikuá  i maligno pa nos planeta i pa hende. P’esei e konferensia internashonal tokante energia ku a tuma lugá na desčmber último na Copenhagen a frakasá. Ta siudadanonan di Planeta Tera mes mester fňrsa, bňltu e sistema di energia, nos tambe, nos habitantenan di e isla akí.

 

Pa sera konosí ku algun manera di spar energia, konsultá e foyeto ňf website di Amigu di Tera www.amiguditera.com.

 

Yvette Raveneau

Presidente Amigu di Tera